Tuesday 29 May 2012

കാഞ്ഞിരപ്പൊയിൽ ഒരുങ്ങുന്നു..

ഗവ:യു.പി.സ്കൂൾ,കാഞ്ഞിരപ്പൊയിൽ..കാസർഗോഡ് ജില്ലയിൽ  മടിക്കൈ ഗ്രാമപഞ്ചായത്തിലെ ഈ സർക്കാർ വിദ്യാലയം ഭൌതിക സാഹചര്യങ്ങളുടെ കാര്യത്തിൽ  പിന്നിലാണെങ്കിലും തനിമയാർന്ന പ്രവർത്തനങ്ങളാൽ ഏറെ ശ്രദ്ധിക്കപ്പെട്ട ഒരു ഗ്രാമീണ വിദ്യാലയമാണ്...പാവപ്പെട്ട കർഷകരുടെയും,കർഷകത്തൊഴിലാളികളുടെയും മക്കളാണ് ഇവിടുത്തെ ബഹുഭൂരിപക്ഷം കുട്ടികളും.പൊതുവിദ്യാഭ്യാസ സംരക്ഷണത്തിൽ തൽ‌പ്പരരായ സമൂഹം കുട്ടികളുടെ വിദ്യാഭ്യാസ കാര്യത്തിൽ കാണിക്കുന്ന താൽ‌പ്പര്യമാണ് ഈ വിദ്യാലയത്തിന്റെ കരുത്ത്...മെച്ചപ്പെട്ട വിദ്യാഭ്യാസം കുട്ടികൾക്കു നൽകാൻ തങ്ങളാൽ കഴിവതെല്ലാം ചെയ്യാൻ സദാ സന്നദ്ധരാ‍യ ഒരു കൂട്ടം അധ്യാപകർ...ഈ കൂട്ടായ്മയിലൂടെ പുതിയ അധ്യയനവർഷത്തെ വരവേൽക്കാൻ കാഞ്ഞിരപ്പൊയിൽ ഒരുങ്ങുകയാണ്..മികവിന്റെ കേന്ദ്രങ്ങളായി കേരളത്തിലെ മുഴുവൻ പൊതു വിദ്യാലയങ്ങളും മാറുമ്പോൾ അവർക്കൊപ്പം നടക്കാൻ ഞങ്ങളും ഉണ്ടാകും,തീർച്ച.